Ajo  është një sëmundje neurologjike me dhimbje pulsative të kokës e shoqëruar me nause, vjellje, ndjeshmëri ndaj dritës, zërave dhe ndaj aromave. Tek femrat shfaqet tre herë më shumë se meshkujt si pasojë e ndryshimeve hormonale të tyre. Sipas ekspertëve, femrat që kanë migrenë janë më të predispozuara të vuajnë nga arresti kardiak dhe goditjet në zemër. Një studim prej 2 dekadash ku përfshinte 115.000 femra zbuloi se të gjitha ato që ankoheshin për migrenën kishin 50 përqind më shumë mundësi të rrezikoheshin nga problemet e zemrës.  Shkencëtarët e udhëhequr nga ekpertët e universitetit Harvard, u shprehën se të gjithë ata që vuajnë nga migrena duhet të marrin masa për problemet e zemrës.