Kreu i shtetit Ilir Meta ka zgjedhur shkollën “Fan Noli” në kryeqytet, ku ka përfunduar studimet dhe vetë, për të uruar festën e mësuesit.

Ai bëri thirrje për një bashkëpunim më intensiv mes shkollës dhe familjes.

“Për të evituar sidomos dështimin e nxënësve në të ardhmen, sot është koha për të bërë një apel të fortë për një bashkëpunim më intensiv mes shkollës dhe familjes, siç dhe ka qenë në të kaluarën”, tha Meta.

Kreu i Shtetit u pyet edhe për negociatat me Greqinë dhe ministrin Bushatin.

Meta u përgjigj se sot është dita e mësuesve dhe se nuk e di nëse Bushati ka qënë tek shkolla 'Fan Noli' por kjo shkollë sipas tij ka mësuar çdo gjë në kohën e duhur.