Një ngjarje e rëndë ka tronditur paraditen e sotme qytetin e Fierit. Një 29-vjeçare është rrëzuar nga ballkoni i apartamentit ku jetonte ndërkohë që mësohet se ndodhet në spital në gjendje kritike për jetën. Policia ka nisur hetimet për zbardhjen e ngjarjes, për të zbuluar nëse bëhet fjalë për një rënie aksidentale, apo hedhje.

Njoftimi i policisë
“Në datën 17.09.2017, rreth orës 10:10, në lagjen “Konferenca e Pezës”, Fier, dyshohet se është rrëzuar nga ballkoni i katit të tretë të pallatit shtetasja N.F, 29 vjeçe. Shtetasja N.F ndodhet në sallën e operacionit në Spitalin Rajonal Fier. Grupi hetimor po punon për zbardhjen e plotë të ngjarjes”.