Mëngjesin e së shtunës,në spitalin rajonal të fshatit Kafaraj të qytetit të Fierit janë paraqitur shtatë persona me probleme shëndetësorë gastro-intenstinale.

Të shtruar në spitalin infektiv, ata thonë se kanë shfaqur shenja helmimi pas konsumimit të ujit të pijshëm që e marrin nga një burim në fshat.

Banorët e helmuar:Kemi ujë çezmeje, por mbushim edhe nga burimi që ekziston prej shumë vitesh. Na erdhi pa pritur. Nuk e kuptojmë se nga na ka ardhur.

Nga ana tjetër, mjekët pohojnë se pacientët e njësisë administrative Frakull, mund të jenë të prekur dhe nga ndonjë virozë.

Mjekët:Gjithsej janë shtatë raste. Mund të jetë një sindromë gastroenterid akut. Që janë të vjella, me dhimbje koke dhe me temperaturë. Se kush është shkaku i kësaj patologjie, normalisht ne nuk kemi të dhëna.

DSHP Fier ka marrë mostra nga uji që kanë konsumuar banorët e Kafarajt, për t’i bërë analizat dhe të martën priten rezultatet.