Kryeministri Edi Rama dhe ministri i Bujqësisë, Niko Peleshi kanë vizituar këtë të martë Fierin, ku kanë inauguruar një sportel unik në shërbim të fermerëve të zonës.

Nëpërmjet kësaj risie, fermerët mund të aplikojnë për grante e subvencione, ndërsa cilësia e shërbimit është e gërshetuar edhe me këshilla mbi bujqësinë dhe tregjet.

“E rëndësishme është që të japim sa më shumë informacion, që ta kenë të qartë që nuk mund të merren më mbështetjet ashtu siç janë marrë. Qëllimi i përbashkët është që të fitojnë fermerët, të fitojë edhe ekonomia dhe e ardhmja”, u shpreh Rama.

Ndërsa ministri i Bujqësisë u shpreh se ky sportel do të jetë një dritare shërbimesh për fermerët duke theksuar se është shumë e rëndësishme që të komunikohet me këta të fundit.