Këngëtarja shumë e dashur për publikun Filloreta Raçi e njohur ndryshe Fifi është një nga personazhet, e cila që në fillimet e karierrës së saj ka preferuar që të lërë muzikën të flasë dhe jo veprat e ekzagjeruara.

Atë e karakterizon një thjeshtësi dhe modesti, për të cilën është shprehur se të gjithë artistët duhet ta kenë brenda vetes.

E ftuar në "Thumb", Fifi ka treguar hapur se ajo bën një jetë të thjeshtë si të gjithë, duke hipur në autobus e duke blerë rroba të lira.

"Nuk domethënë që je artiste dhe nuk mund të blesh në dyqane që i kanë nga 25 mijë lekë një fustan apo një palë xhinse. Këtë fustanin e kam blerë 15 mijë lekë, këtë këmishën ma ka sjellë një faqe online që t’i bëj reklamë. Dje isha në Prishtinë dhe kisha gjithë ditën që sillesha vërdallë me një palë rroba dhe u stresova shumë. Afër hotelit është një dyqan që ka rroba nga 3 euro. Sa u futa gjeta një palë tuta të verdha 3 euro. A e dini sa shumë VIP-a shkojnë në Turqi blejnë rroba nga 5 euro?", ka treguar Fifi.