Këngëtarja Fifi ka pësuar një ndryshim drastik në pamje, pas humbjes së konsiderueshme në peshë.

Ajo është aktualisht në formë gati perfekte dhe i ka habitur të gjithë me mënyrën se si është transformuar në fare pak kohë.

Këngëtarja tashmë është më e dobët dhe duket se kjo ka ndikuar që edhe meshkujt ta shohin ndryshe.

Këtë e ka konfirmuar vetë ajo ndërsa është pyetur nga fansat se sa ka ndryshuar mendimi i meshkujve për të, pasi ka rënë në peshë.

“100%, ka edhe prej atyre që dikur më thoshin motër, sot jo mo. Tash dojn me dal me mu, mu njoft ndryshe”, thotë ajo në përgjigje të pyetjes që i bëhet.

Por pavarësisht kësaj Fifi nuk ka asnjë zhvillim të ri në jetën e saj private.

Ajo është përfolur për një lidhje me Fation Kuqarin, por e ka sqaruar se ata janë veç miq të mirë, ndërsa e falënderon për pjesmarjen në klipin e saj.