Ora 11.00
Nis në orën e paralajmërauar bllokimi i rrugëve dhe protesta e opozitës. Në ditën e 66-të të protestës Partia Demokratike dhe aletatët e saj kanë kanë vendosur ta përshkallëzojnë duke bllokuar akset kryesore rrugore në Tiranë dhe jo vetëm.
Hyrje daljet kryesore janë bllokuar me protestues ndërkohë që ka masa të rrepta policie por asnjë incident deri tani.

Ora 10:00
Ka nisur disa orë përpara protestës së paralajmëruar të opozitës bllokimi i rrugëve. Njerëzit kanë nxituar të mbërrijnë në destinacion përpara orës 11 kur është paralajmëruar bllokimi i detyrueshëm i akseve rrugore në Tiranë dhe në rrugët kombëtare nga Partia Demokratike Dhe nga aleatët e saj, ashtu sic do ta shihni në fotot dhe videot më poshte ka nisur ndërkohë të ndihet trafiku i rënduar.

Ndërkohë Kryeministri Edi Rama dhe kreu i LSI-së Ilir Meta kanë zgjedhur të jenë në aktivitete jashtë kryeqytetit sot.

Partia Demokratike në një njoftim ka lajmëruar dhe interarin e protestës:
“Në orën 11.00, anembanë Shqipërisë, në rrethrrotullimin e Shqiponjës, në kryqëzimin e teknologjikut, 2 pika në Tiranë. Rrethrrotullimin e Plugut, dhe gjithë Jugu do të mblidhet aty. Rrethrrotullimin e Rrugës së Kombit me nacionalen Shkodër-Tiranë, rrethrrotullimin e Milotit, dhe gjithë Veriu do të jetë aty. Në rrethrrotullimin e Bradasheshit, Korça, Elbasani dhe gjithë Juglindja e gjitha do jetë aty”.