Mesa duket Dua Lipa ka hasur jo pak vështirësi gjatë karierrës së saj si këngëtare.

Këtë e themi pasi nuk është e lehtë të ndjekësh pasionin tënd, kur që në vogëli të thonë se ti nuk ke zë për këngëtare.

Sipas asaj që shkruan “KultPlus”, kjo histori është e shkëputur nga intervista që këngëtarja ka dhënë për “New York Magazine”.

Mësuesit në Kosovë i kishin thënë se nuk ka zë, dhe po sipas kësaj interviste, një mësuese kishte shkuar aq larg sa atëherë i kishte thënë se ajo nuk mund të arrij notat e larta dhe këndimi nuk është për të.

Tashmë Dua ja ka arritur që të korrë suksese të padiskutueshme në karierrën e saj. Ajo ka fituar dy çmime “Grammy”, si edhe një në “Brit Awards”. Ajo është gjithashtu një nga këngëtaret më të dëgjuara në vitin që lamë pas sipas Spotify.