Xhoi Jakaj eshte vendosur ne qender te vemendjes ne media. Kjo jo vetëm se është pedagoge dhe ish-drejtoreshë e burgut të grave por pasi është e ëma e yllit të showbiz-it shqiptar, Oriola Marashit. Modelja dhe pjesëtarja e OTR shpesh here vendos të lërë meshkujt pa gjumë me fotot që poston në rrjete sociale. Por a i ka parë këto foto babai i modeles bukuroshe? Në një intervistë për "Jo vetëm modë", Xhoi ka treguar se babai i Marashit akoma nuk i ka parë fotot e saj në Instagram.

"Ne jemi prindër tolerantë, bashkëshorti im nuk ka Instagram, madje Oriola e pyet shpesh: I ke parë fotot? Por ne jemi prindër që e kemi edukuar për tu përballur edhe me të mirën edhe me të keqen e reagimeve të ndryshme. Unë dhe bashkëshorti im i lëmë të lira në zgjedhjet e tyre, ajo është zgjedhja e saj dhe ne e respektojmë atë. Oriola ka studiuar muzikë klasike dhe tashmë do të kalojë në muzikë të lehtë, por i ka premtuar mamit dhe babait se një disk me muzikë klasike do ta bëjë enkas për ne për shkak të studimeve të saj", u shpreh Jakaj./intv.al/