Një i ri shqiptar u vra në një rrugë në Bruklin javën e kaluar. Grei Frasheri, 23 vjeç, u godit në qafë në Bay Ridge më 7 shtator. Identiteti i Frashërit dhe shkaku i vdekjes u zbulua në të njëjtën ditë kur familja e tij u mblodh e pikëlluar pasi mori lajmin e hidhur.
"Ai ishte një rreze drite", tha një kushëri që kërkoi të mbetet anonim sepse vrasësi mbetet ende i lirë. "Në çdo situatë që ndodhej ai do të buzëqeshte dhe do të bënte edhe të tjerët që të buzëqeshnin”-tregon ai. “Ne kemi qenë me prindërit për tre ditë me radhë, dhe nuk ka qenë e lehtë", tha kushëriri Rifat Sokoli, 22 vjeç. "Ndihem i shkatërruar plotësisht"-rrëfen Sokoli. Brenda shtëpisë së funeralit Clavin në Ave e Katërt. në Gjirin Ridge, trupi i Frashërit qëndronte në një arkivol të hapur. Flamuri shqiptar, i nënshkruar nga futbollisti i tij i preferuar, ish-mbrojtësi i argjentinas Javier Zanetti mbuloi arkivolin dhe do të varroset bashkë me të.
Të afërmit thanë se Frashëri i cili ishte shumë i dhënë pas teknologjisë punonte në “Audio Video Crafts” duke instaluar kamera."Ai gjithmonë i ndihmonte njerëzit me gjithë zemër. Ai ishte shoku im më i mirë", tha motra e tij Melisa.

Hetuesit po i afrohen të dyshuarit, thanë burimet. Por detajet e mosmarrëveshjes lidhur me shpërndarjen e drogës nuk ishin të vlefshme. Policia në fillim mendoi se Frashëri u qëllua për vdekje, në vendngjarje.
Kushëriri i tij tha se ai dhe pjesa tjetër e familjes po shpresojnë për përgjigje dhe po u bëjnë thirrje kujtdo që ka informacion për të dal. Koha kur u qëllua, ora 5:40, i jep arsye familjes të besojë se udhëtarët që shkojnë në shtëpi nga stacioni i metrosë deri në bllok mund të kenë parë ose dëgjuar diçka që mund të ndihmojë policinë të bëjë një arrestim. Një agjent i Shërbimit Sekret, i cili jeton aty afër, ka dalë jashtë shtëpisë me jelekun e tij të plumbit për të ndihmuar Frashërin, por nuk ka mundur të shpëtojë pasi ai vdiq rrugës për në NYU Langone Hospital - Brooklyn.
Tre makina me pllaka të TLC janë parë duke u larguar me shpejtësi nga vendi i ngjarjes, sipas burimeve të policisë, por ata me sa duket nuk kishin të bënin me vrasjen dhe po reagonin ashtu ndaj të shtënave. Në një faqe interneti të dedikuar Frashërit - hopeforgrei.com - familja tha se ka vendosur të "falë atë që është përgjegjës ". Frashëri, i cili erdhi me familjen e tij në Amerikë kur ai ishte tre vjeç, sapo kishte blerë një apartament të ri, thanë të afërmit.