Nuk bëhet fjalë vetëm për një debat të zakonshëm mediatik, pasi situata shumë shpejt mund të bëhet ligjore, të paktën sipas fjalëve të Boshnjakut. Në një letër të hapur, ky i fundit ka akuzuar kompaninë se është përpjekur t’i vjedhë të drejtat e autorit mbi një këngë të cilën ai e ka realizuar për këngëtaren e njohur turke, Sila, mbi albumin e saj të ardhshëm. Kënga është publikuar nga Sony Music Turkey dhe në faqen zyrtare është i listuar dhe Boshnjaku si autor i muzikës. Megjithatë ai shton se kënga, e kënduar në origjinal nga Nora Istrefi në vitin 2004 dhe me tekst nga Arsim Bunjaku, është licensuar pa dijeninë e tij nga kompania ON Air. Por historia nuk mbaron këtu. Ai rrëfen se kompania e ka keqpërdorur të drejtën e autorit duke shkuar deri aty sa ka pranuar pagesën një vit më parë, në vlerën 100% të shumës, si dhe është munduar ta përvetësojë të drejtën e autorit. E gjitha kjo sërish pa dijeninë e Florentit. Më pas ai vazhdon duke thënë se ka mundur ta sqarojë situatën me kompaninë turke, duke denoncuar gjithashtu situatën në autoritetet kosovare. Presim reagimin e kompanisë diskografike ON Air.

Ja deklarata e plotë:

Te dashtun Miq.
Nje lajm per ju dhe gjithe mediat sidomos per koleget .

Kengetarja e njohur Turke Sila ka publikuar para 4 dite kengen me te re ‘Afitap” si singel qe i paraprine albumit te saje. Muzika e kesaj kenge eshte e punuar nga une dhe eshte publikuar nga Sony Music Turkey https://www.sonymusic.com.tr/silanin-afitapi-dinleyicilerle-bulustu; 
Ne kete link mundeni me e pa edhe emrin tim si autor i Muzikes. Per mua nje nder i madhe dhe nje gjurme ne rrugetimin tim muzikor

Kenga ne origjinal eshte kenduar nga Nora Istrefi ne vitin 2004 dhe me tekst nga Arsim Bunjaku ,e gjitha tingellon shume bukur tani ne perpunim (mund ta ndegjoni ne linkun siper apo ne youtube)

POR kenga eshte licencuar pa e ditur une nga Kompania ONair music e regjistruar si biznes Onair media sh.p.k  (te cilet nje vit me pare me kontaktuan per bisede por kurre me nuk jane lajmeruar per kete pune)kompani e cila ka keqperdore ne maksimum drejten e autorit jo vetem ne licencim por edhe ne perfitim te drejtes se autorit,pagesen e kane pranuar nje vit me pare por qe nuk kane treguar dhe nuk jane lajmeruar dhe kane pervetesuar 100 % shumen nga licencimi ,por jane munduar te pervetesojne pa dijenine time poashtu edhe  te drejten e autorit.
Une jam kontaktuar nga kompania Turke me te cilet eshte skjaruar e tera dhe ne fund ne menyre te rregullt kemi nenshkruar kontrate per te drejten e autorit (arsyeja se pse jam kontaktu sepse eshte deshte nenshkrimi im per publikim te kenges dhe kompania Onair music regjistruar si biznes ONair media sh.p.k nuk i jane lajmeruar me kompanise Turke ).

Ky rast eshte lajmeruar ne Policine e Kosove si dhe gjitha organet tjera te drejtesise .Shpresoj qe ky rast eshte momenti me i mire qe e drejta e autorit te filloje te realizohet per autoret ne fushen e muzikes.
Ka shume vite qe jam duke u munduar qe e drejta e autorit te funksionoje ne vendin tone ,kam folur shume kam investuar shume ,dhe gjithqka qe kjo te realizohet ,ende ka shume pengesa por si po duket ky do te jete rasti i pare per kete vit dhe uroj qe koleget ta marrin shume me seriozitet punen e autorsise sepse nuk po dihet se cka eshte duke ndoodhe ne kete vend dhe secili pretendon autorsine dhe eshte titullar (pronar) i kenges (edhe dikush qe vetem e publikon videon ne youtube pretendon 100% pronesine e kenges) .Poashtu shfrytezuesit nuk jane te interesuar shume qe se paku ligjerisht te rregullohet kjo pune,por si po duket si gjithmon dikush nga ‘ jashte’ po na rregullon oborrin tone .
Ju lutem ta shprendani kete postim per ngritje te vetedijes per rrespektimin e drejtes se autorit ne fushen e muzikes.
Faleminderit
Florenti