Duhet të publikohej kjo foto e rinisë se hershme të dy vajzave, duke shkëmbyer  puthje lezbike me njëra- tjetrën në Shtetet e Bashkuara të Amerikës, për të zbuluar lidhjen e tyre speciale për disa vite, miqësi sekrete, që tashmë ka përfunduar keq. Kjo foto është kthyer në kryefjalën e lajmeve rozë ditët e fundit dhe ndërkohë që Floriana e ka cilësuar atë puthje thjeshtë një pozë artistike, Ilda nuk ndan të njëjtin mendim. Madje kjo e fundit është acaruar aq shumë saqë ka shpërthyer në fyerje ndaj ish mikeshës për të cilën mendon edhe se është autorja e publikimit të fotos.  

“Vajza që kanë nxjerrë në lajme këto ditë në foto me mua, ka dekada që mundohet të bëhet personazh publik. Vajza ka qenë një shoqe e imja dhe ndërkohë që isha në emisionin BB’, vendosi të publikonte foton tonë, me qëllimin për të marrë vëmendje dhe për t’u bërë e famshme”. Në vazhdim të statusit, Ilda i ka ashpërsuar tonet ndaj Florianës teksa shprehet se: “Fatkeqësisht, e vetmja që mori famë atëherë isha unë, unë që sinqerisht nuk e desha, pasi e pashë ç’monstër ishte. Pas 9 vitesh më në fund i erdhi dita edhe asaj të bëjë lajm, por sërish me foton time.” Në fund, Gega ka kërkuar që të mos bien pre e “personave që duan të bëhen të famshëm”, shkruan Ilda e revoltuar.