Njerëzit hulumtojnë gjëra të ndryshme për ta zbuluar personalitetin e njerëzve të tjerë. Analizohen pëllëmbët, këmbët, forma e kokës etj. Por nëse nuk e dinit, analizohen edhe hundët, e në këtë mënyrë mund të mësohet shumë nga forma dhe gjatësia e tyre për personalitetin tuaj.  

Hunda e madhe

Femrat me një hundë paksa më të madhe nuk pëlqejnë kur u jepen urdhra ose kur duhet të merren me punë të parëndësishme. Ato preferojnë që ta shohin imazhin më të gjerë të jetës dhe të punojnë në mënyrë individuale. Nganjëherë kanë problem me egon e tyre.

Hunda e vogël

Femrat me hundë të vogël më së miri funksionojnë në grupe, edhe pse temperamenti i tyre i ashpër mund të sjellë deri te frustrimet. Nuk u pengon përsëritja e punëve ose obligimeve të njëjta, janë spontane dhe kanë një imagjinatë shumë kreative.

Hunda e gjatë

Sa më e gjatë të jetë hunda, aq më e mirë është ndjenja për biznes, ndërsa ambiciet janë edhe më të mëdha. Këto femra janë shumë të pavarura, nuk e kanë problem vetminë dhe të punojnë vetëm, si dhe kanë karakteristika, të cilat i bëjnë udhëheqëse të shkëlqyeshme.

Hunda e shkurtër

Femrat me hundë të shkurtër janë besnike dhe këmbëngulëse. Kanë një natyrë të butë dhe emocionale, kështu që të tjerët preferojnë që të kalojnë kohë me to. Por, shpesh ndodh edhe të shfrytëzohen nga njerëzit arrogantë, transmeton gazeta Kosova Sot Online.

Hunda e shtypur

Këto femra janë shumë inteligjente dhe kanë një personalitet shumë optimist. Nga natyra janë të kujdesshme dhe preferojnë që t’u ndihmojnë të tjerëve.

Hunda e gjerë

Femrat që kanë hundë të gjerë janë novatore dhe mendimtare, kureshtare dhe me mendje të hapur. Kanë shpirt shprehës dhe shprehen lehtë, por nganjëherë dinë të bëhen tepër emocionale.