Një foto e kreut të LIBRA-s Ben Blushi së bashku me të liruarin nga burgu Lulzim Berishën gjatë një takimi elektoral në Durrës, ditën e sotme ka bërë xhiron në rrjet. Në lidhje me këtë rast të krijuar mediatikisht dhe pas shumë spekulimesh, Ben Blushi ka folur publikisht për të sqaruar të vërtetën dhe ngjarjen e plotë.

Blushi në një postim në rrjetet sociale thotë se nuk e di nëse ai njeri është Lul Berisha dhe s’e kupton as arsyen se si ai ka shkuar të bëjë foto me të, si dhe i fton portalet që t’ia marrin numrin Edi Ramës për të kuptuar se pse ai shkoi sot e takoi Blushin.

“Sot isha në Durrës dhe sic më ndodh kudo ku shkoj pranova të bëj foto me dhjetëra qytetarë të cilët afrohen dhe më takojnë pa I njohur. Pa mbërritur në Tiranë disa portale nxorrën lajmin se paskam bërë një foto me Lul Berishën një njeri kundër lirimit të të cilit kam mbajtur nja tre fjalime në parlament. Unë nuk e di nëse ky që ka ardhur të bëjë foto me mua është apo jo Lulzim Berisha por nëse është ai portalet duhet ta marrin ne tel dhe ta pyesin pse erdhi të fotografohet me mua. Kush nuk e ka numrin le tja kërkojë Edi Ramës. Megjithatë shikoni videon më poshtë për të kuptuar se as e njoh këtë njeri që takova në bulevardin kryesor të Durrësit”, përfundon Blushi.