Koreja e Veriut është një "parajsë socialiste" ku qytetarët e veshur mirë shkojnë në rrugë për të festuar përparimet e tyre spektakolare në teknologjinë raketore dhe bërthamore. Ky ishte mesazhi që propagandistët e Koresë së Veriut përcollën pas testit të bombës me hidrogjen në shtator dhe përsëri javën e kaluar, pasi udhëheqësi Kim Jong Un mbikëqyri nisjen e një rakete balistike ndërkontinentale teknikisht të aftë për të arritur në çdo cep të Shteteve të Bashkuara.

Agjencia zyrtare koreane e lajmeve njoftoi se "partitë vallëzuese" kishin shkuar në kryeqytet dhe se kishte një "gëzim të madh dhe emocion" midis punonjësve të qeverisë dhe civilëve gjatë nisjes. U treguan disa fotografi të shfaqjeve mbresëlënëse të fishek zjarreve dhe ushtarëve aq të lumtur që po përqafonin njëri-tjetrin.

Por një pamje shumë të ndryshme të jetës në Korenë e Veriut sjellë një fotograf britanik i cili u lejua të udhëtojë përgjatë bregut lindor të vendit në fund të muajit të kaluar. Ed Jones, një fotograf i bazuar në Seul për Agjencinë France-Presse, po udhëton në vend që nga momenti kur agjencia franceze e lajmeve hapi një zyrë në Phenian në shtator 2016.

Koreja e Veriut që ai gjeti ishte një vend shumë i ndryshëm nga Koreja e Veriut e fotografive të propagandës së regjimit. Ai gjithashtu paraqet një tablo shumë të ndryshme të politikës "byungjin" të Kim, të cilën ai ka premtuar se do të japë në të njëjtën kohë edhe rritje ekonomike dhe armët bërthamore.