Bienvenue in France! Edicioni i 15-të i Kampionatit Europian të Futbollit, filloi në mënyrën më të mirë të mundshme për Francën. Gjelat mposhtën Rumaninë me rezultatin 2-1. Ishte një ndeshje shumë e luftuar nga të dyja ekipet, me aksione të shumta, në të cilat u treguan më të saktë të besuarit e Dechamps. Ndeshja nisi mirë për Rumunët, por u gjetën në disavantazh në minutën e 57-të pas golit të Giroud pas një daljeje jo të studiuar mirë nga portieri Tatarusanu. Në të 65-ën barazoi Stancu nga pika e bardhë e penalltisë, dhe u desh një perlë nga Payet për të shpëtuar ekipin e tij pretendent nga ai barazim. Franca kryeson tashmë grupin A, me 3 pikë ndërsa neser luhet ndeshja tjetër e grupit mes Shqipërisë dhe Zvicrës. Takimi në Stade de France, na tregoi se nuk ka kundërshtarë të lehtë.