Një tërmet i fuqishëm tronditi Japoninë veriore mëngjesin e së martës, duke ndërprerë funksionet e ftohjes në centralin bërthamor dhe duke shkaktuar një cunami të vogël që goditi të njejtin rajon të Fukushima-s, që u shkatërrua në vitin 2011 nga tërmeti. Agjencia Meteorologjike e Japonisë tha se tërmeti u ndje gjithandej vendit deri në Tokio. Një dallgët deti është ngritur deri në 1.4 metra në Sendai, rreth 70 km në veri të Fukushima-s, me valë të vogla që godisnin portet përgjatë bregdetit, siç njoftoi televizioni shtetëror NHK. Nuk ka njoftime për dëmtime ose viktima, por u bë me dije për lëndime të vogla. Por Televizioni publik NHK u bëri thirrje qytetarëve në rajon që “të largohen menjëherë” në vendet me lartësi duke i përkujtuar dëgjuesit për “Tërmetin e Madh në Lindje të Japonisë”.

Radhë të gjatë të makinave në ikje janë raportuar në rajon. Qeveria tërhoqi paralajmërimet e saj për cunamin katër orë pasi tërmeti goditi. Shërbimi Gjeoologjik i SHBA raporton se njesia matëse e tërmetit të së martës ishte me magnitutë 6.9 të shkallës Rihter, nga 7.3 që ishte në fillim.