Kamza dhe Lushnja duhet të paraqesin gjithë dokumentacionin e nevojshëm për të garuar sezonin e ardhshëm në Superiore dhe kjo duhet të ndodhë deri në mesin e muajit korrik.

Në fund të korrikut hidhet shorti i kampionatit, ndaj të gjitha klubet duhet të jenë licencuar. Pjesa më shqetësuese për këto dy klube janë stadiumet, duke nisur nga fushat e tyre.

Probleme për t’u zgjidhur janë ato me rrethimin e stadiumeve si dhe ambientet e brendshme të tribunave.

Nëse deri në mesin e muajit korrik Kamza dhe Lushnja nuk kanë bërë gati impiantet e tyre, teksa siç dihet në të dy stadiumet do nisin punimet, të dyja klubet duhet të paraqesin kontratat me stadiumet ku do t’i luajnë ndeshjet.