Federata Shqiptare e Futbollit vjen me një risi, teksa për ndeshjet kualifikuese të Botërorit “Rusi 2018”, tifozët do të kenë mundësinë t’i blejnë të gjitha biletat për përballjet e Kombëtares në stadiumin “Loro Boriçi”. Shitja e biletave ka nisur dhe sipas drejtorit të Marketingut në Federatën Shqiptare të Futbollit, Gazmend Malo rritmet janë të larta.

“Biletat janë fillimisht në shitje në sportelin virtual, pra online në faqen e federatës Shqiptare të Futbollit, ku mund të gjendet bileta për të gjtihë sektorët dhe më pas do të dalin në pikat e shitjeve. Deri më tani janë shitur mbi njëmijë bileta, një shifër e lartë duke patur parasysh periudhën e pushimeve. Gjithsesi që në këtë moment ka një vëmendje mjaft të madhe. Stadiumi Loro Boriçi është më i madh se Elbasan Arena, bëhet fjalë për kapacitetin rreth 16 mijë bileta”.

Drejtori i Marketingut në FSHF sqaroi edhe risinë e biletave sezonale, e cila do të aplikohet në masë të gjërë prej këtij sezoni. Një iniciativë që garanton pjesëmarrjen e tifozëve në të gjitha ndeshjet e Kombëtares dhe përfitimin financiar me biletat që kushtojnë 15 për qind më lirë.

“Biletat sezonale janë një risi për tregun tonë, për ndeshjet e Kombëtares. E provuam diçka të ngjashme gjatë sezonit të kaluar, por ishte e kufizuar dhe jo për tregun e lirë, por përgjithësisht për bizneset. Këtë vit kemi menduar, që kjo praktikë të përhapet për të gjithë tifozët. E veçanta e këtij procesi është që pavarësisht se biletat aktualisht janë në shitje për të gjithë tifozët, për Anëtarët e Klubit Tifozët e Kombëtares, biletat në sektorët e dedikuar janë të prenotuara dhe blerja nuk është e nevojshme të bëhet menjëherë, pasi vendet janë të rezervuara”.

 http://sport.albeu.com/sport/federata-sjell-nje-risi-bileta-sezonale-per-kombetaren/252Kjo iniciativë e re e FSHF, sjell disa përfitime për tifozët e interesuar. Sepse garanton pjesëmarrjen në të gjitha ndeshjet e ekipit kombëtar për këto eliminatore.