Gjykata angleze ka dënuar për shitje droge lojtarin e Tiranës. Bëhet fjalë për sulmuesin Majkëll Ngoo i cili u akuzua për një ngjarje të vitit 2006 ku ishte përfshirë sëbashku me një shok.

Ata kanë shitur gaz të ndaluar nga ligji anglez gjatë një festivali në Chelmsford. Gazi quhet Oksid Nitrik dhe është i ndaluar në Angli pasi konsiderohet drogë. Sipas “Panorama” futbollisti i Tiranës është ndëshkuar nga gjykata me 12 muaj punë në komunitet dhe me një gjobë 4 mijë stërlinash. Majkëll Ngoo gjithashtu iu kufizua liria nga ora 6 e mbrëmjes deri në orën 5 të mëngjesit.

Sulmuesi ka mësuar masën e sigurisë me datë 22 mars, sakaq ai pritet të kthehet në Tiranë këto ditë. Ai ka luajtur me shumë skuadra në angli, por kulmi i karrierës së tij ishte aktivizimi me ekipin e Liverpool.