Tayna është një ndër reperet më të suksesshme të momentit dhe pak nga pak fama e saj po përhapet edhe përtej trojeve shqiptare. Përveçse fansave të huaj, së fundmi ajo ka arritur të fitojë edhe vëmendjen e artistit të saj të preferuar. Bëhet fjalë për këngëtarin latin, Maluma, i cili është një ndër artistët më të famshëm në mbarë botën i cili ka pëlqyer videon e reperes në Instagram, pavarësisht se nuk e ndjek reperen shqiptare. Përpara 1 dite Tayna ka publikuar një video, në të cilën shihet duke kërcyer me një nga këngët e Maluma-s. Sot ajo ka treguar se ky i fundit e ka pëlqyer videon, por nuk e dimë nëse e ka pëlqyer për përzgjedhjen muzikore apo për shkak të kërcimit sensual të saj.

Mirëpo në videon e postuar vëmendjen na e tërhoqën gjithashtu replikat mes Taynas dhe Kejvinës.

“Është i zënë Maluma moj”, i komenton Kejvina, duke e pasur komentin e saj nga një tjetër i tillë: “Në rregull, në snap mbaje, se unë e kam në Instagram.”

Por ne kapëm një detaj shumë interesant dhe s’po e kuptojmë pse. MALUMA-n nuk e gjejmë dot në Instagram sepse siç duket e ka mbyllur këtë rrjet sociale ku kishte mbi 42.5 milionë ndjekës.

Apo mos ia kanë hack-uar vallë?