Krijohet avioni gjigant, me tre bishta e me vetëm njërin krah sa një avion pasagjerësh. Ai është më shumë si dron, por mund të funksionojë edhe si satelit. Mjeti fluturues, që furnizohet me energji diellore, mund të qëndrojë në ajër për tre muaj rresht, në mënyrë autonome. Të paktë kështu raporton prestigjiozja Euronews.

Avioni i quajtur “Odise” po zhvillohet nga kompania Boeing, dhe do të jetë një nga mjetet më të mëdha fluturuese të ndërtuara ndonjëherë, e që nuk do të komandohet nga njerëz në bord.

Kompania thotë se edhe pse krahu i tij gjigant do të jetë sa një avion, peshën do ta ketë në fakt sa një makinë.

Odiseu nuk do të fluturojë më shpejt se me 150 kilometra në orë, por do të ketë mundësinë të qëndrojë në ajër për plot tri muaj.

Ky projekt synon të ngrejë një qiell ato që quhen “pseudo-satelitë”, që mund të ofrojnë të njëjtat shërbime komunikimi si satelitët, por me kosto shumë më të ulët.

Dy prototipet e para do të përdoren për të testuar aftësinë fluturuese të avionëve dhe fuqinë e saj diellore - sidomos gjatë ditëve të shkurtra të dimrit kur drita e diellit është e kufizuar.

Prototipi i tretë, për shkak të lëshimit në vitin 2020, do të mbajë pajisje eksperimentale të hartuara nga shkencëtarët e Harvardit për të kryer hulumtime mbi shtresën e ozonit dhe do të ndihmojë në testimin e kapacitetit të ngarkesës së Aurorës.

Sipas krijuesve  dizajni i pazakontë i arkitekturës do të lejonte që të mbante ngarkesa deri në 100 kilogramë.