Këngët latine janë padiskutim këngët më “IN” të momentit dhe ato i dëgjojmë në të gjitha ambientet. Jo vetëm i dëgjojmë, por edhe i kërcejmë. Një ndër këngëtarët më të mirë shqiptarë është edhe Ardian Bujupi. Ky i fundit ka publikuar një foto me këngëtarin e famshëm nga Puerto Rico, Farruko dhe duket sikur ndodhen në një studio muzikore duke na lënë të dyshojmë për një këngë mes tyre.

Farruko është një reper mjaft i sukseshëm i cili më parë ka bashkëpunuar me emra të njohur të muzikës në botë si Nicki Minaj, J Balvin, French Montana etj. Edhe pse këngëtari shqiptar nuk ka dhënë asnjë detaj mbi foton e postuar në Instagram mos vallë do të jetë hapi i parë i Ardianit në arenën ndërkombëtare?