Sportistja më seksi e arteve marciale mikse, Paige VanZant, me 7 fitore e 4 humbje në kafaz, ka dhënë një lajm të mirë për fansat e saj. VanZant është shprehur se ka marrë lajmin e mirë nga mjekët se mund të rikthehet në kafaz vitin e ardhshëm.

Sportistja 24-vjeçare nuk duelon që prej janarit të vitit të kaluar, ndërkohë që i ka humbur dy sfidat e fundit. “Vendimi është që mund të dueloj sërish, mund të godas sërish me grusht. Por për këtë gjë do të më duhen ende edhe 6 javë, por mund të rinis stërvitjen dhe të punoj për të qenë gati, - tha Paige VanZant në një intervistë.

“Mund të konfirmoj edhe se i kam thënë UFC-së se jam gati për të dueluar më 18 janar, në eventin e parë të saj. Do të bisedojmë më pas për të gjetur edhe një rivale”, - tha VanZant. Përflitet se ajo do të duelojë ndaj Rachel Ostovich, por asgjë nuk është zyrtare.