Renato Mekolli është kthyer në një personazh shumë të komentuar dhe të kritikuar pas pjesëmarrjes në progamacioni “Hell’s Kitchen”. Ai shfaqet duke bërtitur gjatë sfidave të gatimit dhe kjo ka bërë që të përflitet shumë në mediat rozë. Mirëpo fundjavën që lamë pas në Portokallii ai u imitua nga Gaz Paja dhe duhet pranuar që e imitoi shumë mirë.

Por si është marrëdhënia e tyre? Ditën e sotme, Renato publikoi një foto krah aktorit të njohur dhe me pak fjalë shpjegoi mendimin personal për performancën e tij. “Ka tolerancë fetare, por ka edhe tolerancë artistike. Më në fund kam gjetur sozinë time që të çlirohem nga kaq shumë angazhime që kam”,-shkruan ai, duke lënë të kuptohet se i ka pëlqyer shumë skeçi.