Aktori i humorit, Gazmend Paja, ka kurorëzuar ditën e djeshme në datën 1 Qershor, dashurinë e tij, me bukuroshen ose siç ai pëlqen ta quajë të “bukurën e dheut”, Ira Istrefi. Çifti i cili ka kryer celebrimin në tarracën e Bashkisë së Tiranës, nën udhëheqjen e Erion Veliaj dhe më pas ka nisur festa me familjarët e miqtë e tyre.

Ata janë pritur me emocione nga 300 të ftuarit specialë. Çifti ka zgjedhur këngën e Alban Skenderaj “Unë dhe ti” si kolonën zanore të kërcimit të tyre të parë si burrë dhe grua. 

Ira dukej si princeshë e veshur me një fustan përrallor dhe çifti e kanë ndezur skenën duke kërcyer kërcyer në mes të saj teksa të ftuarit duartrokisnin.

Sigurisht që nuk mund të mungonte dhe një surprizë nga Gazi. Aktorin e kemi parë edhe në "Portokalli" teksa këndon dhe të mos këndonte në dasmën e tij nuk do kishte "lezet". Nën shoqërinë e këngëtares mjaft të dashur Aurela Gaçe, Gazi ka kënduar për të bukurën e tij dhe për të ftuarit.

gazi kendon ne dasmen e tij from Vimeointv.al on Vimeo.