E kemi dëgjuar shpesh herë shprehjen “Shqipëria, vendi i kontrasteve të mëdha” dhe po aq shpesh herë na vjen keq që e përmendim. Gazetari Gerti Shella ka publikuar një video në profilin e tij zyrtar në Facebook, ku ka “denoncuar” Shqipërinë e kontrasteve. Një çift të veshur me veshje me motive popullore, me daulle dhe me cyrle siç i thonë në krahinat veriore, kanë dhuruar “spektakël” pranë ambasadës Zviceriane në hyrje të rrugës së bllokut. Pa kompleksitetin më të vogël, ata dukeshin të lumtur, ndërkohë që kalimtarët e rastit nuk hezituan t’i përshëndesnin apo dhe t’u bënin video.

“Gruaja i bie daulles, burri i bie gernetes... para ambasades Zviceriane. Te dy te lumtur ne shqiperine e kontrasteve te thella.”, shkroi gazetari në videon e publikuar.