Këtë vit ‘Festivali i Këngës’ ka rezervuar surpriza të shumta për ndjekësit e tij të rregullt. Vera Grabocka dhe Alketa Vejsiu që po merren me organizimin e gjithë festivalit kanë premtuar se do ta shndërrojnë në një spektakël të vërtetë dhe siç duket kështu do të ndodhë.

Pak ditë më parë u zbulua se Giusy Ferreri, Mahmood dhe Eleni Foureira do të jenë disa nga të ftuarit specialë të ‘Festivalit të 58-të të Këngës’. Tashmë na ndajnë vetëm fare pak ditë nga festivali dhe surprizat po zbulohen pak nga pak.

Sipas ‘RTSH.al’ fituesi i vitit të kaluar të ‘Sanremo’ që përfaqësoi Italinë në ‘Eurovision’, Mahmood, do të ngjitet në skenën e ‘Pallatit të Kongreseve’ ditën e enjte, 19 dhjetor. Këngëtari i njohur do të performojë një kolazh me hitet e tij të fundit, duke përfshirë ‘Soldi’ dhe ‘Barrio’. Kjo është hera e parë që Mahmood këndon në Shqipëri dhe performanca e tij do të shoqërohet me efekte speciale në skenë.

Këtë vit ‘Festivali i Këngës’ me siguri do të rezultojë një sukses i vërtetë dhe prandaj duhet ta ndiqni nga afër në skenën e madhe të ‘Pallatit të Kongreseve’.

View this post on Instagram

Mahmood, i ftuar në natën e parë të Festivalit të 58-të! "Soldi" - hiti që po bën xhiron e botës, do të dëgjohet të enjten më 19 dhjetor në sallën e Pallatit të Kongreseve . . #mahmood #soldi #barrio #fest58 #fik58 #festivaliikenges #rtsh #music #eurovision @mahmood @festivali_rtsh

A post shared by Radio Televizioni Shqiptar (@rtsh.official) on Dec 13, 2019 at 11:24am PST