Mesfushori shqiptar Granit Xhaka ka sot ditëlindjen. Futbollisti i njohur shqiptar, që luan me kombëtaren zvicerane dhe Arsenalin në Premier League, mbush 26 vjeç. Një përvjetor që do ta kalojë në përditshmërinë e stërvitjes dhe regjimit sportiv te “Topçinjtë e Londrës”, larg familjes, që e ka në Bazel.

Megjithatë, vëllai më i madh i tij, Taulanti, që përfaqëson ngjyrat kuqezi të Shqipërisë, e ka uruar publikisht dhe me shumë dashuri që herët, në mëngjes. Përmes Instagram-it, 27-vjeçari e ka konsideruar “gjaku i gjakut tim” vëllain një vit më të vogël.

Interesant është fakti se urimi është vetëm në shqip, jo në gjermanisht apo anglisht, gjuhë të cilat i ka folur shumicën e kohës Graniti: “Si fillim, dua të them se falënderoj Zotin çdo ditë, që kam një vëlla si ty, që mbi të gjitha je një shok, shoqërues i mirë. Uroj që çdo moment i jetës tënde të jetë i mbushur me gëzim, të kesh shëndet dhe shumë suksese. Vëlla i dashur, gjaku i gjakut tim, të uroj edhe 100 vite të lumtura!”

View this post on Instagram

Si fillim dua te them se falenderoj Zotin cdo dite qe kam nje vella si ty qe mbi te gjitha je nje shok, shoqerues i mire. Uroj qe cdo moment i jetes tende te jete i mbushur me gezim,te kesh shendet dhe shume suksese .Vella i dashur, gjaku i gjakut tim te uroj edhe 100 vite te lumtura.❤️ @granitxhaka @tx.34

A post shared by Taulant Xhaka (@tx.34) on Sep 26, 2018 at 11:27pm PDT