Një grua ende e paidentifikuar, rreth 70 vjeç, u gjet e mbytur në plazhin e Durrësit.
Sipas policisë, gruaja është gjetur në lagjen numër 13. Me afëri 200 m larg Urës së Dajlanit. Policia ka bërë dhe një përshkrim të gruas me qëllim që familjarët të shfaqen. Ajo është me flokë të gjata e të thinjura dhe e veshur me rroba të zeza. Ne breg të detit janë gjetur dhe një shkop, një çantë ngjyrë e zezë dhe një palë këpucë ngjyrë blu.
Raportohet se nuk janë gjetur shenja dhune dhe policia po punon për identifikimin e kufomës dhe shkakun e mbytjes.