Brusko është një nga prodhimet më të suksesshme greke. Me një distribucion në mbi 40 shtete të botës, Brusko po kalon çdo kufij. Siç mund ta keni dëgjuar, kjo telenovelë do të transmetohet premierë në INTV duke filluar nga data 2 Tetor në orën 20:00. Telenovela ka në krye tre pesonazhe kryesorë, Melina, Sifi dhe Akili të cilët formojnë një trekëndësh dashurie shumë të komplikuar.

Melina është personazhi kryesor. Ajo është një vajzë shumë e bukur, por është nga ato rastet e rralla ku pamja e saj e jashtme nuk ka ndikuar në karakterin e saj. Është një vajzë e thjshtë, me këmbët në tokë dhe shumë e zgjuar. Njihemi me Melinën në çastet më të lumtura të jetës së saj, duke festuar festën e beqarisë, pas një ditë ajo do të kurorëzojë dashurinë e saj me Sifin.

Sifi vjen nga një nga familjet më të mirë të Kretës. Familja e tij është një nga prodhuesit më të mirë të verës Brusko në Greqi. Pavarsisht se jemi mësuar me një klishe ku fëmijët e familjeve të pasuar janë të llastuar dhe mëndjemëdhenj, Sifi është komplet e kundërta. E shohim për herë të parë në momentet para dasmës me Melinën. Në vend të festojë edhe ai natën e tij të fundit si beqar, ai është duke punuar  në vreshtat e familjes. Njohim një njeri të matur, të zgjuar dhe shumë të përgjegjshëm. Zemra e tij është e ndarë në dy pjesë, në njerën pjes të saj ka biznesin familjar dhe në tjetrën Melina. Ajo që ai nuk di është se Akilin nuk e ka vetëm  konkurent në biznes, por edhe në dashuri.

Akili është shumë më ndryshe nga personazhet e tjerë. Ai është një aventurier, mund ta lexosh në sytë e tij që nuk është një njeri që kënaqet me pak. Edhe ai është duke festuar ditën e fundit si beqar, pavarsisht se nuk duket shumë i gëzuar për këtë gjë. Martesa për të duket si një detyrim, ndoshta që të ketë më shumë mundësi për t’u zhvilluar në biznesin familjar. Familja e Akilit është një nga më të famshmet në prodhimin e verës Brusko në Qipro dhe midis 3 vëllezërve që drejtojnë kompaninë sigurisht që ka konflike për zgjedhjet e duhura. Bruskoja e tyrë është aq e mirë sa i bie Akilit në kokë.

Melina me Akilin njihen bashkë në festat e tyre të beqarisë. Ndoshta mund të jetë efekti i alkolit, por midis të dyve ka një shkëndijë, që pa dijenin e askujt, kthehet në një zjarr të dalë nga kontrolli. Pas atij takimi jeta e të dyve nuk do të jetë më njësoj. Ata nuk njihen dhe nuk njohin as familjet e tyre.

A do të ritakohen sërisht këta dy personazhe? Apo ai takim që i la të dy pa fryë nuk do të ndodhë më? Zbulojeni ditën e hënë, 2 Tetor ora 20:00 në INTV.