Gjykata e Tiranës ka vendosur të lërë në burg babin që abuzoi seksualisht me të bijën për 16 vite.

Mësohet se 61-vjeçari, Qirjako Nakuci e ka pranuar që ka abuzuar me të bijën por shprehet se në disa raste ka ndodhur dhe më dëshirën e saj.

Trupi gjykues dha masën për autorin gjatë seancës me dyer të mbyllura, për shkak që në këtë mënyrë të mbrohej identiteti i vajzës.

Tragjedia e 25-vjeçare bëhet dhe më e rëndë kur ka deklaruar se në moshën 19-vjeçare ajo ka ngelur shtatzënë dhe është detyruar të abortoj.

Këtë fakt e ka pranuar dhe 61-vjeçari.

Abuzimet me të bijën autori i ka nisur që kur u divorcua me të shoqen dhe ajo ishte vetëm 9 vjeçe.

Që nga ajo ditë, sipas saj, ai nuk u ndal më së abuzuari me të. Vitet e fundit vajza angazhohej me komunitetin e murgeshave e në një prej bisedave mes tyre, vajza ka gjetur guximin të tregojë tmerrin që i kishte shkatërruar jetën.