Gjykata e Tiranës ka lënë të lira dy femrat e arrestuara dy ditë më parë në Tiranë për ushtrim prostitucioni, ndërkohë ka vendosur masën e sigurisë arrest me burg për tre personat që i shfrytëzonin. Nik Gjokaj 48 vjeç, i dënuar më parë për prodhim të lëndëve narkotike, Besnik Manka 35 vjeç dhe Bledian Nurja 32 vjeç. Për të tre këta shtetas Gjykata e Tiranës ka vendosur “arrest me burg”. Ndërkohë që detyrim paraqitje u vendos për dy femrat qe po ushtronin prostitucion, Aureta B. 27 vjeç, e Domenika D. 23 vjeç. Në seancën me dyer të mbyllura, vajzat e dyshuara se ushtronin prostitucion në zonën e ish-Bllokut, kanë mohuar se e kryenin aktivitetin me para.  Sipas policisë, çmimi për një natë me vajzat e dyshuara për prostitucion varionte nga 100 deri në 300 euro, ndërsa Prokuroria ka vënë në dispozicion të Gjykatës, pamjet dhe filmimet në vendet ku ushtrohej ky aktivitet.