Luan Rama i LSI-së ka folur për herë të parë nga Jala për çështjen e ndarjes së kufijve mes Serbisë dhe Kosovës. Ai ka qënë i prerë ku tha se kufijtë e Kosovës nuk janë çështje negociatash. por janë kufij gjaku të vendosur me luftë.

“Kufijtë e Kosovës nuk janë çështje negociatash individuale dhe as çështje negociatash bilateral. Kufinjtë e Kosovës janë kufij gjaku, janë kufij zemrash, të cilat nuk mund t’i nxjerrë në tregun politik askush, cilido qoftë ai. Askush nuk mund t’i tjetërsojë, t’i ndryshojë, apo t’i trafikojë kufijtë e Kosovës dhe lirinë e Kosovës! Çështja e kufijve të Kosovës është çështje ndërkombëtare dhe gjeopolitike,” ka përfunduar Rama.