Karabinierët e Romës arrestuan gjashtë vetë të akuzuar për mashtrim të sipërmarrësve të pasur dhe profesionistëve për një total prej 13 milion euro. Kriminelët u premtuan viktimave përfitime të mëdha nga shitja e apartamenteve dhe veprave të artit ndërsa merrnin një paradhënie prej tyre, shpesh në vlerën e dhjetëra mijëra eurove. Pasi merrnin paratë  zhdukeshin pa lënë gjurmë. Një nga të dyshuarit pretendonte se ishte një monsinjor me njohje në zyrat e Vatikanit. Prifti i rremë, për të bërë sa më real mashtrimin, në disa raste ka dhënë edhe bekime për viktimat. Ndër mashtrimet e ndryshme nga të cilat banda është akuzuar ka edhe të ashtuquajturat "mashtrimet e parave të zeza", që konsiston në faktin se e bënin viktimën që të besonte se mund të merrte kartëmonedha nëpërmjet heqjes së njollës së fletëve të letrës me një tretës të posaçëm.