Kryeministri Edi Rama ka reaguar pasi Policia e Shtetit bëri publik goditjen e grupit kriminal të Shkodrës, dhe arrestimin e 11 personave. Për kreun e qeverisë Policia e Shtetit ka folur sërish duke goditur rrjetin kriminal. Rama nuk ka preferuar ti kthejë përgjigje akuzave të kundërshtarit të tij politik, lidhur me Vettingun, duke u ndalur vetëm te puna e policisë.  “Policia e Shtetit foli përsëri me forcën e vendosmërisë sonë në luftën kundër krimit. Forca e Ligjit prangosi rrjetin kriminal të Shkodrës pas një pune policore disamujore të shtrirë edhe jashtë vendit. Respekt dhe për vendosmërinë e Prokurorisë. Forca e Ligjit po përshkallëzohet”-shkruan Rama në twitter.