Si një qytetar i thjeshtë i ka kërkuar shërbim taksi dhe është ulur në sediljen e pasme. Pasi ka ecur deri në një farë rrugë i ka kërkuar lekët e xhiros.

Në njërën dorë grabitësi mbante një armë që ngjan me pistoletë ndërsa dorën tjetër me dorashkë të zezë e shtrëngon fort në qafë.

Ngjarja është regjistruar më pak kohë më parë rrugën “Tre Dëshmorët”  dhe objekt i grabitjes është shoferi i identifikuar me inicialet H.H

Ja bashkebisedimi:

Taksisti: Nga do të ikim

Grabitësi: Ktheu djathtas

(I afrohet drejtuesit)

Grabitësi: Mos bëj asnjë lëvizje vetëm më dëgjo

Taksisti: Çfarë do

Grabitësi: Më jep lekët

Taksisti: I kam në xhep

Taksisti vijon të ecë me makinë

Grabitësi: Mos lëviz makinën

Taksisti nxjerr lekët: Këto kam të gjitha

Grabitësi: Mi jep tek dora tjetër (ajo me dorashkë)

Taksisti: Këto kam të gjitha

Grabitësi: Më jep unazën

Taksisti: Unazën s’ta jap

Grabitësi: Hiq unazën

Taksisti: Nuk të jap më tepër, nuk e heq unazën. Mjafton me kaq nuk të jap më lekë. Ik se u thashë këtyre, Bërtet: Njoftoni policinë

Grabitësi zbret nga makina

Pamjet janë vënë në dispozicion nga policia e cila kërkon ndihmë për të bërë të mundur identifikimin e autorit të grabitjes së një taksisti, ngjarje e ndodhur në Tiranë. 

Madje vë në dispozicion një shpërblim prej 200 mijë lekësh. Çdokush që ka informacion mund të telefonojë në nr. 069 41 05 735.

Policia e Tiranës garanton ruajtjen e anonimatit dhe ndjekje të shpejtë të çështjes, deri në zbardhjen e plotë të saj dhe vënien para përgjegjësisë së autorit.