Newsbomb.al zbardh emrat e 4 ushtarakëve të cilët rrezikojnë burgun për shkak të vjedhjes së armëve, dje në bazën ushtarake të Pashalimanit në Orikum.

Newsbomb.al mëson se 4 ushtarakët e shoqëruar në polici janë Ervis Vladimir Memsulaj, 23 vjeç, banues në Bashaj të Vlorës; Ardit Haris Ramaj, 25 vjeç, banues në Bolenë të Vlorës; Edlir Nuri Nelaj, 42 vjeç, banues në lagjen 10 korriku të Vlorës dhe Lesko Halo Ramosaçaj, 52 vjeç, banues në lagjen 28 nëntori të Vlorës.

4 ushtarakët akuzohen për veprën penale 'shpërdorim detyre', ndërsa burimet bëjnë me dije se dyshohet që ata të kenë ndihmuar në vjedhje.

Kujtojmë se në orët e para të mëngjesit të djeshëm, në bazë janë vjedhur dy arka me granata dhe 3 armë të llojit automatike ndërsa ushtari që presupozohej të ruante municonet, nuk ishte në vendin e punës.

Për më shumë klikoni: http://www.newsbomb.al/ekskluzive-grabitja-e-armeve-ne-bazen-e-pashalimanit-zbardhen-emrat-e-4-ushtarakeve-qe-rrezikojne-burgun-148510