Policia ka arrestuar katër persona pasditen e sotme, që dyshohet se kanë lidhje me grabitjen e 9 prillit në Rinas. 3 prej tyre mendohet se janë bashkëpunëtorë ndërsa shtetasi tjetër ka marrë pjesë në grabitjen e 5.7 milionë eurove.

Dy nga të ndaluarit janë nga Elbasani, respektivisht 28 dhe 29 vjeç dhe dyshohet se modifikuan furgonin me mbishkrimin ‘Hetimi Tatimor’. Person tjetër i dyshuar është Klement Cala, që njihet si një nga bashkëpunëtorët e Muratajt në grabitjen e 5.7 milione eurove ne vitin 2017 ne Rinas.

Nuk dihet ende identiteti i personave të arrestuar, ndërkohë që pritet që ditën e nesërme Policia dhe Prokuroria të dalin në një konferencë për të dhënë detaje nga hetimet e deritanishme në lidhje me këtë ngjarje.

Më herët u raportua se, servisi ku autorët e grabitjes kanë bërë modifikimin e furgonit 'Hetimi Tatimor' i cili u përdor për realizmin e grabitjes ku u morën 5.7 milionë euro, para të cilat bankat e nivelit të dytë po i transportonin jashtë vendit.