Teksa ende nuk ka një shifër zyrtare lidhur me shumën e parave të grabitura në aeroportin e Rinasit me 9 prill të këtij vitit, Prokuroria e Krimeve të Rënda i ka bërë kërkesë 3 bankave të deklarojnë kapitalin që kanë humbur.

Kërkesa për deklarimin e parave të grabitura iu është dërguar edhe kompanisë së transportit.

Më herët në Kuvend Ministri i Brendshëm, Sandër Lleshaj, i pyetur për këtë çështje nga deputeti Myslym Murrizi, tha se shuma grabitur në Rinas është mbi 5 milionë euro.