Presidenti Ilir Meta ka reaguar lidhur me ngjarjen e ndodhur ditën e djeshme në aeroportin e Rinasit, ku u grabitë 10 milion Euro dhe mbeti i vrarë një nga nga autorët.

Meta tha se kjo ngjarje është cënim serioz për sigurinë kombëtare, të rendit publik dhe imazhit të vendit tonë. Ai kërkoi angazhim maksimal të autoriteteve për zbardhjen e plotë të ngjarjes

“Si president i Republikës e konsideroj ngjarjen cenim serioz të sigurisë kombëtare, të rendit publik dhe imazhit të vendit tonë. u kërkoj agjencive ligjzbatuese të vazhdojnë operacionin për kapjen e personave përgjegjës dhe gjetjen e vlerave monetare.

Të gjitha autoritetet përgjegjëse të kryejnë hetime të plota dhe të thella për zbardhjen e shpejtë të kësaj ngjarje të rëndë. Të nxirren përgjegjësit e plota për çdo institucion, që nuk ka kryer detyrën sipas ligjit për prandalimin e kësaj ngjarje që mund të kishte pasur pasoja tragjike për jetën e qytetarëve tanë dhe të huaj” , tha kreu i Shtetit.