Kemi bërë të ditur se ajo do të performonte për 8 minuta një homazh për David Bowie dhe sigurisht që ato minuta i bëri të paharrueshme. Këngëtarja 29-vjeçare u vesh si Bowie, duke e nisur shfaqjen me një këngë të tij të vitit 1969, Space Oddity, për të vazhduar më pas me Fame, Let’s Dance dhe Heroes, shoqëruar nga një grup kërcimtarësh. Më pas në skenë u ngjit edhe Nile Rodgers, një mik i Bowie, i cili kishte punuar me të për albumin Let’s Dance, dhe së bashku me Gaga-n e bënë natën të magjike.