Ish-kryeministri Sali Berisha, e quajti një ditë të zezë për parlamentin, votimin e Gramoz Ruçit. Në një status në “Facebook”, Berisha ka reaguar pas votimit, të cilit iu bashkuan edhe 3 vota nga opozita.

REAGIMI I BERISHES

Sot dita me e zeze per parlamentin pluralist shqiptar!

Te dashur miq, zgjedhja e Gramoz Ruçit, ish ministrit te policise kriminale terroriste politike te diktatures hoxhiste, perben nje dite te zeze ne historine e parlamentit shqiptar. Vendosja nga neobllokmeni Edvin Kristaq Rama e Gramoz Ruçit, ish ministrit te sigurimit te shtetit ne krye te legjislativit shqiptar, eshte nje perdhosje per se vdekuri e shpirtit te dhjetra mijra burrave, grave, femijeve, te moshuarve qe u persekutuan u torturuan shtazerisht, u burgosen apo ekzekuan nga policia sekrete me terroriste e Pasluftes se Dyte Boterore, arma mizore ne luften e klasave e Enver Hoxhes, Hitlerit shqiptar te Pasluftes se Dyte Boterore.

Vendosja e Gramoz Ruçit ne krye te parlamentit shqiptar eshte de facto rehbilitimi nga neo-bllokmeni Edvin Kristaq Rama i vepres mizore te eterve te tij barabar dhe dhjetra akteve kriminale terroriste te policise se tyre sekrete.

Ky akt eshte nje shpallje haptas lufte ndaj qindra mijra shqiptareve, viktima te luftes se klasave, dhe te gjithe atyre qe luftuan per permbysjen e diktatures hoxhiste ne Shqiperi. Dita e sotme ishte dita me e zeze ne tere historine e pluralizmit shqiptar!/lapsi.al/