Granit Xhaka starton sot rrugëtimin e tij si lojtar i topçinjve të Arsenal, pasi u pagua për bukurinë e 40 milionë eurove nga trajneri francez Arsene Wenger. Ky rast nuk mund të shpëtonte pa një foto tradicionale, të ndarë me gjithë fansat në Insta, ku futbollisti 23 vjeçar është paraqitur për herë të parë në London Colney për t’u stërvitur krah shokëve të ekipit. Graniti shfaqet i buzëqeshur, ndërkohë që duket jo vetëm i lumtur, por edhe i motivuar për këtë hap përpara në karrierën e tij.

Fundja, jo kushdo arrin të luajë në nivele të tilla të ekipeve gjigande të futbollit. Të shohim nëse do arrijë t’ia ndryshojë fatin Arsenalit, i cili, edhe pse i mbushur me lojtarë klasi, nuk e shijon lavdinë e titullit në kampionatin anglez që prej vitit 2004. Kujtojmë se atëherë ishte koha e Thierry Henry dhe Arsenalit të pathyeshëm, që u kurorëzua kampion pa humbur as edhe një ndeshje të vetme në 38 të luajturat në kampionat.