Ndeshja mes Arsenalit dhe Baselit, e cila luhet në kuadër të Grupit A të Ligës së Kampionëve, do të vërë përballë vëllezërit Taulant e Granit Xhaka. Në Emirates Stadium ka një idhull të ri që i korrespondon emrit të Granit Xhakës. Milionat e shpenzuar në verë për talentin kosovar po i japin të drejtë trajnerit Arsen Venger në fushën e lojës pasi futbollisti i kombëtares së Zvicrës vërtet nuk e ka fituar vendin titullar ende, por po tregohet vendimtar.

Vëllezërit Xhaka ishin përballur me njëri tjetrin edhe në Euro 2016, në ndeshjen mes Zvicrës dhe Shqipërisë. Nga ky takim triumfues ka dal Graniti, pasi helvetët fituan 1:0 ndaj kuqezinjve. Por, edhe kësaj radhe Graniti synon të dal triumfues. Ai, nëpërmjet një postimi në Facebook, i ka uruar mirëseardhjen Taulantit dhe Baselit në Londër, por u ka bërë me dije se tre pikë do të mbeten në Ishull.