Arkitektët japonezë po planifikojnë ndërtimin e grataçelës më të lartë në botë. Ajo do të ndërtohet tërësisht me material druri në Tokio. Arkitektët zbuluan projektin e tyre të jashtëzakonshëm: një kullë 350 metra e lartë, e cila do të ketë dyqane, shtëpi, zyra dhe një hotel.

Puna për përfundimin e këtij projekti ambicioz në qendër të kryeqytetit japonez, do të përfundojë në vitin 2041. Projekti prej 4.73 miliardë eurosh synon ta bëjë Tokion një qytet më të përshtatshëm ekonomikisht dhe, siç thonë arkitektët që kanë studiuar “grataçelën e gjelbër”, do ta “transformojë qytetin në një pyll”.