Një helikopter i forcave të marinës greke ishte ngritur nga një fregatë e marinës dhe po kryente një mison në kuadër të manovrës së programuar më parë, por nuk ka mundur të përfundojë detyrën, pasi është rrëzuar në mesnatë në afërsi të ishullit Leros, në Egje. Sipas marinës, gjurmët e tij humbën nga radarët e ushtrisë në orën 02.45. Autoritetet greke thonë se nuk ka të shpëtuar nga tragjedia edhe pse tre viktimat ishin ushtarakë me eksperiencë të gjatë.
Pas ngjarjes ka reaguar dhe Ministri i Mbrojtjes, Panos Kamenos, i cili pasi shprehu keqardhjen e tij për ngjarjen dhe ngushëlloi familjarët e viktimave, njoftoi dhe hapjen e një hetimi për shkaqet e tragjedisë.