Grevistët e Zharrëzës dhe banorët që i kanë shoqëruar janë sot në ditën e katërt të marshit të tyre të protestës. Ata aktualisht janë mbledhur në dyert e Ministrisë së Energjitikës, të thirrur nga drejtuesit e saj.

Nga komunikimi jashtë dyerve, grevistët thonë  se në ministri ndodhet edhe Zv.kryeministri Niko Peleshi. Ata shprehen të vendosur se nuk do të hyjnë në takim pa median dhe pa transparencë e plotë të të gjithë takimit dhe negociatave me qeverinë.