Numri i të vdekurve shkon rreth 200. Sipas Gjeneralit Umit Dundar, viktimat janë: 41 policë, 2 ushtarë, 47 civilë dhe 104 puçistë. Po ashtu raportohet se numri i të arrestuarve tashme është mbi 1500, siç llogariten ushtarët e dorëzuar.

Kryeministri turk, Binali Yildirim, ka thirrur sot një takim urgjent për puçin ushtarak.

Një pjesë e ushtrisë u përpoq të përmbyste qeverinë gjatë orëve të vona të së premtes dhe mëngjesit të së shtunës, duke përdorur tanqe dhe helikopterë, si dhe duke bllokuar ura dhe marrë nën kontroll disa media.